أشعار بدوية عن الخيانة
المحتويات
تعكس الخيانة في الحب أو الصداقة حالة من التغير تجاه الأشخاص، وانتقالهم إلى حياة مغايره تختلف فيها الأولويات والمشاعر، وتنتقل من أشخاص إلى أشخاص آخرين، ويعكس الشعر البدوي في واقعه ما كل يندرج تحت العلاقات الإنسانية، وكيفية تشكلها وتغيرها، وانتقالها من شكل إلى آخر ومن شخص إلى آخر، وسنقدم خلال هذا المقال أشعار بدوية عن الخيانة والغدر.
لا تكثر بحكيك ترى دربك اشواك .. من سنعك للناس وكبر مقامك
أشعار بدوية عن الخيانة
الشعر البدوي اجمل مافيه انه ينطلق من القلب ثم يدخل كل قلب دون استأذان ، لانه يتحدث عن الحياة الواقعية واللي نعيشها دون زيف وخداع. حياة البدو مليئة بالحكم والامثال وابيات الشعر الجرئية والقصائد اللي بدى الكثير من الفنانين يبحثون عن قصائدهم.
واكثر القصائد اللي عليها حرص كبير هي الاشعار البدوية وخاصة اللي فيها خيانة او فرقى او حزن وغدر وفقان احد الوالدين.
في هالمقال راح نسلط على اشعار الخيانة والغد والالم.
لا تنصدم لا قلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
وارميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك
ابيات عن الخيانة
حبيباً خاين العشره جمع حزن البشر فيني
كذب قلبي اذا بلحظه نساه او تناسيته
نسى حبي بعد عمري وخلى الهم يطويني
وخله الدنيا في عيني كئيبه ليت ماجيته
يجي منه اكثر طعن قلبي معنيني
يناديني على الفرقى واقول ابشر ولبيته
شعر عن الخيانة والغدر
الخيانة لا تحسب انها شجاعة ، من قلت قيمته عند الناس اكيد بيخون ومن صار سلعة رخيصة اكيد بيغدر وانت عاد ونفسك في اي مستوى حطيتها!
الخيانه راس مالك والغدر منك وفيك
وانتا ماتحمل بقلبك غير غدرك والخيانه
لاتقول اني هويتك واني احبك وابيك
كيف وانا الغدر منك ذقته لحد الاهانه
انت من يعشق عيونك مات وبهمه نسيك
لن غدرك والخيانه يقتل الحب وجنانه
بعتني والله حسيبك يوم قلبي مشتريك
بعتني وارخصة قلبي لين جرحة بكيانه
كنت واثق في غرامك كان قلبي مشتريك
كنت احسبك في حياتي حب ملكني حنانه
كانت عيوني تشوفك غير كل الناس ذيك
لين ملكتك حياتي وصرت لي سيد زمانه
مادريت ان الخيانه صارة ارموزك هذيك
لين ذقت الغدر منك وابأمانه وبأمانه
كيف قلي شلون قلبي بعد هاذا يرتجيك
كيف عطني من حلولك قول من يرضى هوانه
كلمه واسمعها امانه لاتجيني ولا اجيك
دام كلك وعلى بعضك رمز وافي للخيانه
أبيات شعر عن الغدر
الغدر من شيمة ارخص الناس واقلهم واذلهم واللي منزوعة منه الكرامة ، لكن انت كيف اوصفك وانت كل صفات الرديه راكبه عليك من راسك لمخمص قدميك وياحسافه والله على الوقت اللي قضيته معاك ، راحت ايام اعمري مع انسان حطمني. لكن كما تدين تدان ولو بعد حين.
قلبي وفالك وانت قلبك خدعني
خدعت قلب كان بالحب شاريك
بكذب وخيانه وغدر قلبك حضني
في وقت قلبي فيه يسهر يداريك
ماكنت أظن قصدك بحبك تذلني
ذليتني من بعد مامت انا فيك
ببعد بعيد واوعدك ما احني
ابشر اببعد ومع حبيبك بخليك
وابي مماتي ياخذ الروح مني
تاركلك الدنيا بها الله يهنيك
واذا سأل في يوم انا انسان عني
قله توفى والسبب طعن بيديك
شعر عن الهجران
كنت عايشة في حلم كونك اغلى حبيب. لكن زلتك مثل السكين انغرصت بصدري ، وتبيني اسامحك؟ ليه شايفني ميته عليك ومرخصة نفسي. لكن بختصر لك انت وجودك والعدم واحد.
جاي بعد طول هالشهور و السنين
تنتظرني اسامحك بعد غيابك يا المسكيني
ما قاله ربي يا صاحب الحبيبتين
جاي بعد ماخليت الناس تتشمت فيني
تذكر كنت تتغزل بعيوني الثنتين
كنت تقول انتظر اليوم اللي فيك يجمعني
صحيح كنت فيك مغرمة او مغرمتين
كنت انتظر الساعات و الدقايق و الثواني
اللي ممكن تجيبك لي في حالتين
إما شوقك …أو إحساسك بشوقي و حرماني
شعر من صد عني
بعد ماشبعت ثم رحت لغيري وكأني عندك مجرد ورقة انتهت صلاحيتها ، طيب روح ومع السلامة. لكن تأكد عز الله منت بكفو تسكن قلبي:
لا تتصل بي دام غيري مسليك
ما أقدر أكون بدنيتك شخص عادي
إما تجي كلك وفاء عند مغليك
وابشر بقلب ما يخون الودادي
وإن كان غيري يعجبك حيل ويرضيك
كلن على كيفه بحسب اعتقادي
خلك معه يا جعل ربي يخليك
من يتبع المقفين قد قيل غادي
ماعندي استعداد أساير خطاويك
وأتبع دروبك وأنت ناوي البعادي
ارحل عن عيوني عسى الله يخليك
والله مانت بكفو تملك فؤادي
خلاص أنا قررت من دنيتي ألغيك
من صد عني قلت له شيء عادي
لا تكثر بحكيك ترى دربك أشواك
يا حافي الرجلين ثمن كلامك
واذكر زمان أول وأيام بلواك
من سنعك للناس وعدل مقامك؟
لا يفلت لسانك على شخص رباك
أنا بنيتك وماني عاجز اهدامك!
قصيدة النفس عافت
صبرت حتى طابت النفس من ذل ثم تعب وكدر وشك ورفعة صوت وكل يوم والثاني اسوء من قبله وللاسف اعطيتك لك كل الفرص اللي احافظ بها على الود. لكن للاسف تشبعت منك ومن تسلطك.
لا انته ولا غيرك ولا حتى السنين السود
تخلي دمعتي تنزل على خدي واكفكفها
انا ادري منيتك انك تشوفني وانا مهدود
ولكن اغسل يدك محال ادموعي اذرفها
احبك كنت انا احبك وحبك كان بي موجود
ولكن عشرتك هالحين انا من قلب عايفها
عطيتك كل ما املك ولا فكرت بالمردود
وكلما تصدمني بجرح اقول احباب طوفها
تقول الخطاء وارد وانا اقول الصبر بحدود
ولا انت درس علمني عطايا القلب اطرفها
انا ماني هذاك اللي اذا ضاقت عليه يعود
انا يالضيقه تنسفني يا اما الضيقه انسفها