الطيب بداخله ناراً تغلي مبارك الحجيلان

كلمات قصيدة الطيب يبقى لصاحبه مايفنى يكتب له التاريخ ضمن رجاله الطيب بداخله ناراً تغلي ، كلمات الشاعر مبارك الحجيلان

معلومات القصيدة
اسم القصيدة: الطيب بداخله ناراً تغلي
اسم الشاعر: مبارك الحجيلان [1] ، [2]

الطيب بداخله نار تغلي

يعجبني الطيب سريع الفزعه
اللي ليا جاه الحمل يشتاله

ويتعبني من سوى جميل فيني
لاشفت وجهه ثم ذكرت افعاله

الطيب يبقى لصاحبه مايفنى
يكتب له التاريخ ضمن رجاله

ماحب طاري واحدن ماينفع
وافز للي سيرته شعاله

وأفرح على شوف الكريم الشامخ
أبو اليمين الديمه الهماله

راعي هلا وابشر وتم وحاضر
وراعي وفا والنايفه منزاله

وياكرهي والله للبخيل المجلد
اللي يحسب ان قيمته بامواله

قولو له ان كنوزه المجموعه
ماهي بتشفع له وحظ عياله

والله ماتقعد ياكود السمعه
وترى النهايه كلنا رحاله

ومن كثر مامروا علي العالم
أنكش لك أهل الفعل والقواله

به واحد لامن نهمته جنب
ويضيق صدره ويتبدل حاله

يمحط من الاعذار لين يهدك
وتكره ابو يوماً نصيت اشكاله

وبه واحداً لامن نهمته غيب
امن الشهامه والوفا يبراله

يفز لك فزة كريماً وافي
ويخلصك قبل يخلص فنجاله

الطيب بداخله ناراً تغلي
اليا سمع تكفا تشوف افعاله

والا الردي بارد ووجهه بارد
ولا ينذخر في الوقفه الفصاله

رجلاً تحفظه للظروف الشينه
ورجلاً خسارة حفظك لجواله

مراجع[+]

زر الذهاب إلى الأعلى