جنون الشعر 1000 بيت شكوى للشاعر بدر غازي

جنون الشعر 1000 بيت شكوى

شكى الشاعر شكواه للناس ولم يفتحوا له ابوابهم ولكن الشعر أبى الا ان يفتح الباب له فكان هذه القصيدة الملجمة.

ببدا باسم رب الخلايق و اغني .. اللي حرم ناسن وناسن عطاها
اللي خلق بالكون انسن وجني .. نزل لنا سبعن وسبعن رفاها
واكتب بيوتن حسب ذوقي وظني .. يطرب لها اللي بالموده قراها
واحمد رب الكون واشكر واثني .. اللي نعامه بالاراضي سداها
اللي له الروس العضيمه انثنني .. هذي نعم ربي وعلينا ثناها
اللي له انفوس البشر يرجعني .. من عقب ماهي ودعت في حياها
اللي بامره هالليالي لفني .. الله عليمن خيرها من وباها
بامره لفى ليال الزمن واسعفني .. ليال وقتن منوره من بهاها
ليال وقتن بالسهر يجذبني .. ونوبن اعاف ليالنا من قساها
اسهر بليلي قهوتي هيل بني .. اسهر لحالي ابمرتعن به نفاها
وشب ناري والصبح قدحضنيب .. انت علينا الشمس من مشرقاها
واصبح علي الصبح والرعد حني .. وامطر علينا رش خمد لظاها
وسط الربيع وهو عز التمني .. في مرتعن ماحد نفسك رباها
طبيعتن و اورودها ما اذبلني .. والبير عندك زاهباتن ولاها
وارضن نقيه بالنفل يزهيني .. والله من العشب الخضر قد غطاها
سيلن يسيل وبه رعود ارعدني .. والغيم يوم التم معها زهاها
يسقي نباتن بالنقا يزهيني .. تشفي عليلن في حياته رااه
فيها الظبى يوم انهن اعرضني .. تنقز وضيم الوقت ما قد شكاها
بين التلال الخضر هن ينقزني .. ما هي بسهله لكل منهو بغاها
تلتم فيها جنون شعر وتغني .. ليه تغني لي وجاوب غناها
في مرتعن احدودها ما حدني .. فيها النسيم اللي يذري ذراها
نفوس من تنصاه ما يزهقني .. تلقى العلاج اللي يداوي هواها
من يوم جيت الغيم ما اتركني .. اليا ضميت اشرب من ازلال ماها
الحالي عيون البشر ما انظرني .. وخوي ذيب وفوق بيري رشاها
عيوني بغير الغلا ما اقتلني .. ولا صحت ليه يبتسم لي نداها
تو الورق فوق الشجر ما اذبلني .. وسط الربيع وقد تعدى شتاها
واغصونها لا امسيت لي ينحنني .. لي النسيم العذب بامره حناها
انام وغصون الشجر لحفني .. يقضي علي الليل وانا بدفاها
وشعاع شمسي مننا يستحني .. حتى طرفها يختفي من حياها
في ديرتن فيها الكرم يزرعني .. في ديرتن ابن الردي ما وطاها
يوم الخطا بالمشي ما يخذلني .. مشيتها من اول المنتهاها
اصيح واذياب الفلا يسمعني .. اذيابتن من صاح لبت نداها
ما هن من اللي بالزمن طوعني .. اذيابتن تمشي على كيف اراها
ذيابتن بالوقت ما يقهرنيي .. فخر بهم من بالزمان انتماها
في ديرتن فيها الكرامه امسيني .. من زارها لو مرتن ما نساها
وذيابتن وسط الجبل يقنبني .. الهن اصيح وجاوبني بعواها
يرتاح بالك والعيون انظرني .. بالارض عشب وبالسما به غماها
و ادلال من بنن ونجرن يدني .. على الحطب والنار نرفع ذراها
عيونك بوسط السحب يقربني .. انا على ديره تعز من لفاها
اسيول وديان وعيون انبعني .. من دون وادي تستقي من عناها
ما غير انا وشجون ود ادرجني .. ورفيق دربن من ربوع سخاها
بان بمواقف عسرتن لا انتخني .. نيرانهم يا ويل منهو وطاها
سيوفهم بالوقت ما يردعني .. وما عاش في هذا الزمان اردعاها
في الصامله يوم المغازي تشني .. ما همهم عسر الليال ورخاها
اسيوفهم مثل البروق ابرقني .. ادواء لنفسن قد تزايد غثاها
صفحاتهم بالطيب لك يصقلني .. يا قشر حض اللي نوى بمغزاها
نفرح بخوتهم على كل ضني .. طيب ونشا بالطيب حتى ضناها
وللضيف تقبل ضاحكاتن بسني .. من الكرم الثانيه في دماها
ربعن على الطالات لا ما تحني .. من الكرم الثانيه في دماها
صفحاتم بالشين ما دنسني .. عسرن على كل النشامى لقاها
ارقابهم بالوقت ما ينحنني .. رقوا جبالن قدمهم من رقاها
لهم علوم اهل الوفا ينسبني .. ربع الوفا واللي عريب انسباها
اللي عصت بافعالهم طوعني .. كم رآس شيخن بالملاقى شكاها
في يوم فيه العلم شكن وضني .. تآطى ديارن قدمهم من وطاها
اقدامهم فوق الجمر يآطيني .. والنار يسبق حر جمره لظاها
عن صوبهم كل اليدين اقصرني .. هي ما تظام ولا تظام اقصراها
يدينهم بالطيب ما يرتخني .. عز الضعيف وعز منهو نخاها
يدينهم بالبخل ما عودنيي .. دينهم غير الكرم ما ملاها
لفعل الوفا يدينهم يعزمنيي .. اكثر لدروب المعزه ارسلاها
عيونهم يم الطوال انظرني .. بدرب الكرامه واردين اندباها
نيرانهم بالوقت ما يقربني .. ربعن لعلم الطيب تآصل يداها
احبالهم بالطيب ما يرتخني .. ولاعاش منهو في زمانه رخاها
كل البيوت ابوصفهم يعجزني .. اسيوفهم ما ترتخي من يداها
عيون شعري لجلهم سلهمني .. افعالهم تنور عليها دجاها
كل القصايد لجلهم سطرني .. من كثر ما يكتب عجز من قراها
بيبانهم امن الكرم شرعنيي .. فرح جميع اللي تعنى ولفاها
لهم رجالن بالكرم يشهدني .. ربع الشجاعه ويل منهو عداها
خيولهم يوم اللقاء يصمدني .. ما كادهم بالوقت منهو بغاها
اذنك بهم لو قيل مايسمعني .. عنها الخلايق قاصرات إلسناها
كم عسرتن بفعولهم طوعني .. نادر مع الخلق الكثير إوصفاها
ماتكفي بيوتي ولو وصفني .. ربعن على الطالات عز من نخاها
مثل ما قال آبوي حذرى تضني .. في ربعتن عنك تكف إبزذاها
خلك مع اهل الطيب لا ابعدت عني .. واهل الردى لا تقترب من حداها
خل الردي اللي لاقسى الوقت وني .. جدواه ونه ما يزود وراها
وانا رفيقي بالعسر ما يحني .. من ربعتن ياعز منهو نصاها
امن الكرم والطيب يده تسني .. واهل الوفا كل البشر إشهداها
رجلن من اهل العز ما اخلف مضني .. ياكم رجلن بالملاقى شكاها
يدينه بغير الكرم ما أ لتهني .. دوم الكرم من صغر سنه لهاها
وياعل ايدين العز ما يلتوني .. ولا عاش منهو بالردى قد لواها
واما اليدين الباخله يقمحني .. وهذي الليالي ما تعز إبخلاها
واهل الكرم يدينهم يكرمني .. وجعل الليالي سمحتن لكرماها
الروس لا رفعت ترى ما انوطني .. ومنهو ثنى رقبته لقى من يطاها
النبت كان انعاج من صغر سني .. يبقى عوج إو يستمر إعوجاها
ما بالليال إيبان لو هن كنني .. والمعرفه علمن ولا احدن حجاها
إليال وقتي لو هن يزهيني .. لابد من يومن يبذك خفاها
حفيلهن لو اختفى يظهرني .. جور الزمن يظهر لنا من خفاها
وماراح من ايام ما عودني .. تماكن ايامك قبل منتهاها
والنيره ولو طالت ايرمدني .. والمرجله ما حددوا لي احكراها
وكلن يقول ان الفعل ما يمني .. ومن يعمل المعروف ربه كفاها
وبعض العقول ابفعلهن يرضيني .. لو هي رديه معجبن في سجاها
الله خلق بالناس عاقل وطني .. والله رحم ناسن وناسن صلاها
كلن يقول وهالفعول ايحدني .. ولا كل من قال العلوم إيحماها
وبعض الرجال هروجهم لانطقني .. مثل الذهب غالي غلا من غلاها
ايدنهم تذرف كرم لا عطني ..جعل بسلام العز تسلم يداها
وبعض العرب بالدرب ما ينشرني .. لوهي تغيب سنين محدن نعاها
درب المراجل باليسر ينعطني .. واما العسر ما كل رجلن عطاها
وحذرى من الايام لوهن صفني .. وحذرى من إليالن ضعيفن وقاها
ولا اطاوع الحساد لو يمدحني .. وحذرى من الحساد واحذر عضاها
واعزومك إليا قمت لا يرتخني .. ولاكل من نادى تجاوب نداها
واترك رفاقة من فعوله تمني .. خلك مع اللي كل جزله شراها
لا تقترب من فعلهم فيه ظني .. اللي لغيره كل كلمه خذاها
اللي ليا من ضاع حقه يوني .. حقه يضيع ولا يفرح نباها
اللي على الزلات سيفه يسني .. واللي فعوله للوفا ماقداها
وسرايره وسط الصدر ماتكني .. واللي هروجه للسنع مارفاها
خلك مع اللي هرجهم ما يثني .. لا قال له كلمه بفعله حماها
بفعولهم مافيه شكن وضني .. يمناه لاماترتخي من سطاها
خلك مع اللي لافعل مايمني .. يوم المواقف كل رجل إيخشاها
اهل النقا في يوم راحن وجني .. افعالهم بالوقت كلن رئاها
ولآخره به نارن وفيه جني .. احفظ عمود الدين واحفظ زكاها
وإليا نشدت أي الملل قول سني .. حذراك من دنيا تقلب رحاها
وطلع زكاة إيدينك وما جنني .. لا طهرت لك بيتزايد جناها
والسو رفيقه لوضحك لك بسني .. لاتقتنع من هرجته لو حكاها
وكل اليدين إبمدهن ما استوني .. به مدتن جزله وبه من وراها
ومتابع الهرجات فيه التعني .. وبعض العلوم اقبالها من قفاها
خل لآذاني للوفا يوحيني .. ولا تستمع منهو تردى نباها
وكثر الجدل له طرق ماينتهني .. وياطيب منهو بالزمن ما مشاها
والالسنه اليا حكت يحكمني .. ولا فايده بهروج دون احكماها
وبعض الهروج ولو هن يدفنني .. ارحم من عيوبن تجي لإنطقاها
وعن بيتك إخطا الربع لا يجفلني .. خل رايتك عزن لمنهو بغاها
ووصاة ابو اللي له العز حني .. يقول لي إلليالك تنق ارفقاها
وانا رفيقي منه دمي ومني .. دمه قريب ويشهدون الوجاها
ماغير انا وياه باليد قني .. واضبا رعت من عشب سيله غشاها
شفت الضبا وبدون حسن ليني .. ادير فكري في ثمان اشبهاها
جبت الورق واقلام الاشعار جني .. وكتبت لي شين وصف لي سخاها
فزع معي بالبيت تسعين جني .. وتسعين غير اللي فزعوا لي احظراها
وكل الجنون اللي معي يلعبني .. وعقلي امرها بالشعر ما نهاها
اليا مشيت الدرب معيه مشني .. ومن دوني دروب الشعر ما مشاها
اعرف مقاصيد الشعر لا انطقني .. واليا بغن زادن يديني غذاها
تخدمهن ايديني مثل ما اخدمني .. وايضا عضاي اليا لفني اخدماها
افز انا واقف ليام احظرني .. وهنه يقومن يوم اجي بين ايداها
اوفيت انا يوم انهن وفيني .. ومحضوض منهو نايلن من وفاها
لو انهن بالوقت هن يشغلني .. لكن انا راضي بوقتي عناها
ما دام انا لا جيتهن وقفني .. ماني بخاذلها وقلبي معاها
ما هن من اللي بالزمن يشقيني .. ثمان حدن نفسي اقصى قصاها
وما دام بيبان الشعر فتحني .. بدخل بيوت الشعر واقطن ذراها
انا رحوم إلهن وهن يرحمني .. وانا عليه اشفق واداري سناها
بكتب بيوت الشعر وألعب واغني .. بيوت يطرب من تسمع غناها
بيوت تشكي من حبيبن عزني .. والجوهره بالسوق محدن لقاها
دقات قلبه بالمحبه ازهمني .. ودقات قلبي تنتظر في حراها
اشكي ثمانن بالمحبه شكني .. الاوله طيري غدى في سماها
شجون قلبي لا لفيته نهني .. ولا رحت ردني شجوني وراها
اشتاقها واشواق قلبي عصني .. حسبي عليه الله سطى بي غلاها
وده كوى الخفاق واخلف مضني .. والعين بعد الزين محدن ملاها
روحي وعيني بالغرام إلتهني .. ارتاح لايدي سكنت في يداها
اليد تشري وصله ابما املكني .. والعين بعد البعد دمعي غشاها
سهوم عينه بالموده رمني .. الله حسيبه كان قلبي هواها
وغير الغلا الايام قدهن برني .. وعيون خلي شوفتي ماتباها
شين بوسط القلب فيه امتحني .. ما لي من عيون الغلا الا عناها
لو راف بي غيره سبع ما رفني .. والرجل شين خلف خلي لحاها
قلبي وروحي في هواها رضني .. وانا رضيت ولا لقينا رضاها
طولي وعرضي في غرامه دفني .. راضي بخير الزين والا اذاها
مرهون مدري وش هو اللي رهني .. غصبن فرض قلبي عليه شقاها
يضيع هرجي لاعرض لي بفني .. ما اقوى ولا حتى اسعد الله مساها
شين بوسط الصدر له يرجهني .. القلب فيني عايشن في رجاها
كل البيوت اللي بها يعرفني .. بيوت شعرن قلتها من جفاها
جروح حبه بالضماير عثني .. الله دخيلك وش يسوي هواها
رغم الجفا بالحب ماعلمني .. الله دخيلك وش حياتي بلاها
لاشفتها جروح الهوى يسقمني .. اوفي ولا الله قاسمن من وفاها
انا الليالي في هواها مضني .. انا جريحن له وهي وش علاها
عطيتهن روحي وهن وش عطني .. غير العذاب اللي سطى من عناها
ياكيف ابنسى من غرامه سكني .. ولا جيتها مالي بها الا زراها
اذكر من ايام الوفا مامضني .. والزين ذكرى حبنا قد نساها
ما ازعل ولو ايامها يزعلني .. وهوه بليا اسباب روحي رماها
وسود الليالي في هواه ارغمني .. امشي ورى المزيزن على عماها
يالله ياللي روسنا له تثني .. ارو العروق اللي ذبحها ضماها
ضميان والغالي سلى ما سألني .. ولا يروي الخفاق ياكود ماها
صد وتكبر والجروح اذبحني .. ولالي من المزيونه الا شقاها
وش حيلتي دام الليالي جفني .. ولا كل شئ الراويه قد رواها
عشت الغريب وبدع الابيات فني .. امشي دروبن مآ اعرف وش وراها
احكام سلم الحب فيه احكمني .. لو آتجود هامداتن عراها
اصيح واسموع البشر ما اسمعني .. انا وحيد ولا دوى الا دواها
طريح وليال الزمن لوعني .. حالي فراق الزين وقتي طواها
شيبت وايام الوداو انبني .. عساه يرحم لا لمحني عساها
وذيابة الوقت الردي قد عوني .. واذن الغلا ما توحي الا صداها
شافتني اذياب الجبل واعزمني .. قالن علامك قلت روحي براها
حب الذي في ودها قد فتني .. قالن ترى بالنفس به ما كفاها
هن يشتكن الحب وايضن بكني .. وانا امتعجب ويش داعي عواها
تعوي واثرهن بالهوى يشتقني .. الله يا هالخلق ما اكثر بلاها
الزين ما يدري وش اللي غبني .. ما يدري اني غارقن في هواها
ابغاه لو ان البشر يشرهني .. لا آبو البشر بالزين لا آبو اراها
محدن درى ان جروحها يعطبني .. يوم الجروح الناس محدن بغاها
انا ابي جرحه وجرحه سكني .. انا الذي بيموت ماقد عصاها
ابيه لو ايامنا ما اخدمني .. ابيه واقبل في زماني غثاها
اعروقي امن الهم فيه ارتوني .. يسفه نداي وحاضرن مع نداها
صفن له ايامه ولي ما صفني .. لي الشدايد والغلا له رخاها
شدت بي الايام لا ما ارتخني .. رديتن لو ان حلون نباها
سود الليالي بالسفر عجلني .. ياويل منهو يدرق في ذراها
كم عاشقن من قبلنا فرقني .. ايامن اقسى بالزمن من حصاها
اثر الهوى ما فيه عنك وعني .. ايامنا عكره وتشبه صفاها
من زود همي هالبيوت اعرفني .. ونفسي وصلت في هالليالي مداها
ارجي من إليال الزمن يجمعني .. مع واحدن روحي بيده لواها
وكان الليالي بالحياه امهلني .. لا آعيش في حبه ولا انسى شذاها
سود الليالي عن عيوبه عمني .. وش حيلتي كان الله اللي عماها
ماجد عيون الزين هن اذبحني .. ماجد ولا ادري طيبها من رداها
ماجد ليا منه طرى لي احني .. ياخال نفسي ما لقينا دواها
ياخال هد الحال شين سكني .. بديت لي بدروب محدن بداها
اشيل همي وسط قلبي واحني .. محدن درى عن روحي وما بلاها
اشكي من ايامن سطت بي بلني .. الروح عيت ترتوي من ضماها
عيونها بالرمش لاسلهمني .. ارماح مصفوفه وتطعن عداها
وخدودها بورد الغلا يزهين .. يوطعم العسل ياعاذلي في شفاها
لو اتمنى ما يفيد التمني .. مو بس قلبي شوف روحي تباها
اسهر يالين النجر عنده يدني .. ما اعرف نومن وسط عينه غفاها
لو الضروف اليوم عنه حدني .. اشوفها بالنوم وارحل معاها
اشوفهم وخيولهم يصهلني .. اقوامهم ما فيهم اللي مناها
اشوف الوف ما يعجبني .. غير السبع هي مثلهن في صفاها
يا خال شمعات الليال انطفني .. اللي وطاني جعل يومن وطاها
حسبي عليهن كانهن ولعني .. انا بغربه ماحدن قد قضاها
اوفيتهن لكنهن ما وفني .. كم ليلتن والرمش عند اسهراها
مرن وشافن وقفتي وروعني .. الكل منهن قرطت في شفاها
استعجلن يا خال لا ما امهلني .. ضن الردى في قلب شخصن بغاها
ليه الردى ليه الليالي جفني .. وش ذنبي الي كل هذا جزاها
انا احسبهن ميرهن يحسبني .. هن الهوى ليه وانا انسم هواها
عز الله ان ليال وقتي اضلمني .. واروحي اللي هم الايام جاها
لو البني من غيرهن قد بغني .. غير الغلا به شخص غيري يباها
هويتهن من قبل لا يبان سني .. و الروح ما غير العنيده مناها
يا نعنبو الاقدام لن ما اسعفني .. لن كانها ما درجت في ثراها
قصايدي من كيفهن قد نعني .. من حالي اللي ما تفرح عداها
سهرت انا بيوت الشعر واسهرني .. سهرت اداعبها واجدد بناها
تبكي القصيده من هوى اللي فتني .. كم ليلتن بيت الشعر قد بكاها
حتى بيوت الشعر منه اكرهني .. من كثر ما اكرر عليهن شقاها
دبلتهن في اكبودهن وادبلني .. كم بيت شعرن بادعه قد نعاها
ظلمتهن وايضا البيوت اظلمني .. ماهو بكيفي قد شغفني غلاها
ازعلتهن وايضان مضى وازعلني .. وكم بيت معنى الوصف به ما قواها
اطريهن ولو ان ما يطريني .. وجور الزمن من بعدهن اقتفاها
عطيتهن شوقي وهمن عطني .. جور الزمن لي دايراتن رحاها
ايام عمري بالهناْْْء ما صفني .. وكم باقين شين يجي من وراها
كل القصص في حبهن قد روني .. والزين هو اللي بيده رواها
القلب يشتاق الوصل واستجني .. والعين تكره من بعدها كراها
سود الليالي في حباله رمني .. واصبحت ادور لي حياه بذراها
اصدق وسود ايامنا كذبني .. ونفسي على رب الخلايق عزاها
اشتاقهن لو بالوصل ما بغني .. شوق الاراضي بالحياه لحياها
مسجون مدري منهو اللي سجني .. روحي بريه وش ذنبها وراها
شموع حب الزين ما ينطفني .. ابوك يا دنيان تعب من رجاها
والثانيه بالقلب الها مكني .. يا خال ماني صابرن في بطاها
نيراني اليا راح ما ينطفني .. والجسم من ناره يعاني شظاها
قلبي وروحي في هواها لحني .. والقلب ماله منوه الا لقاها
ضلوع صدري بالجفا يرعشني .. قلبي نشد من ظلمها لي وراها
الليل من شعره وكف امتحني .. والردف يشكي منه ناحل حشاها
هبوب وقتي بالهوى وشمني .. وهمومها قلب المعنى جناها
ما انساه لو ان الليال ابعدني .. من دونه الايام ما ابغى حلاها
هو الذي من شانه اضحك وغني .. ودنياي من دونه وش اللي زهاها
اعضاي لا روح عليه اندمني .. وروحي ليا ابعد كل همن نصاها
كل الخلايق في بعاده عصني .. وروحي بقربه كل حي اخدماها
حبه ووده في عروقي جرني .. وكرهي وسط عرقه يخالط دماها
لاشفتها كل العضا يرعدني .. هو امرن روحي وهو من نهاها
ما اطيق يومن فيه هن يتركني .. كني مع ايتامن ولا احدن رعاها
مثل الجمل اليا هدر ما يحني .. واليا بغيت كيف عقلي سلاها
هن ينثرني ثم هن يجمعني .. اليا سكت القلب وحده دعاها
هاك الجدايل يا ولد لاضيفني .. انام في ضله وصبحي مساها
ما غيرهن بالحب قد ولهني .. ونفسي معه لو ان غيره بغاها
يا خال منه الهجر لكن مني .. وصلن دفين لا برد له شتاها
اورود عمري من جفاه اذبلني .. الله يا ني ميتن في لماها
من دونها لو احتظر من حضني .. لها الامر ما فيه حين نهاها
لو هو بعاقل حبها يستجني .. حرام مايقعد ليا اوحى نداها
الموت وسط العين لا سلهمني .. نفسي بلياها الا واعناها
يضيع هرجي دوم لا هرجني .. هذي مقاديري وربي قضاها
ثمان بوصول المحبه لوني .. والثانيه ورده من الله بهاها
عضاي في حبه غصيبه اجبرني .. والجوهره ما جابها من بغاها
يا للعجب لن كانهن عجبني .. وغيري ياكثر إبهالزمان إعجباها
عطيتهن ودي وهن احرمني .. نظرة حنانن طول عمري اباها
وده بوسط الصدر قد ارجهني .. ولاكل رجلن يدرك اللي نواها
اسقيهن امن الود لامن ضمني .. وروحي تموت امن العطش ما سقاها
اسهر وهنه بالليال ارقدني .. املك وكل اللي ملكت احتواها
سود الليالي بالهوى وهقني .. محروم من شوفه ولا اسمع وحاها
عيونها بالحب قد عذبني .. ياخال ما ابغى منها الا ولاها
حرام ما انساهن ولو يهجرني .. ياخال هي برد الحياة ودفاها
لوهن قسن ياخال ما حسفني .. ماجد اموت إبحبها يا غلاها
انا مقاديري سطن واقهرني .. ما عاد اميز عسرها من رخاها
بعيش بالذكرى ولو يتركني .. لو الليالي دايراتن رحاها
عيونها بالحب قد عاقبني .. وان قيل والا قيل عيني فداها
غصب الليالي بالهوى طوعني .. آرد على بيري واضيع رشاها
قطفت هم وورد هن يقطفني .. واول وروده وردتي قد خذاها
لا اقفيت عنهن عودن وازهمني .. ولاجيت مقبل له عطتني قفاها
الغالي اللي بالهوى قد طعني .. في حبها ما ينفعون الوجاها
راضي بهن لو انهن ما رضني .. مالله عطاني بالزمن من سخاها
إبحبهن ياليتهن ينتهني .. سودن سطى في وسط صدري وباها
لو اطلق حبال الهوى ما اطلقني .. لو ان بعده حالتي قد براها
رغم العنا رغم الجفا ما اكتفني .. كم ليلتن قلبي عشانه سراها
كيسان حبي بالجفا يمتلني .. وكاسن مليته بالوفا ما حناها
خلن حضنته بالهوى ما حضني .. وحكايتي ماكل حين رواها
إهمومهن لا روحن راودني .. وعيني ليا روح دموعي جداها
و إليا سهيت اهمومها نبهني .. وغير الغلا روحي زماني حداها
امشي ولو ان الليال اعثرني .. لو كل دربه شوك ما اترك خطاها
اليا سهيت شوي ماسامحني .. وانا سموحن ما آتذكر خطاها
اسهى ولا اصحى كودهن ينهمني .. اسهى اطالعها واخايل سناها
اليا بغيت آروح هن وقفني .. واليا وقفت اقفت واتابع ثراها
حسبي على الايام ما طمنني .. ونفسي وفيه ما سعت في نقاها
نفسي وروحي بالخطأ يدمحني .. وهيه تعاقبني وانا اطلب رضاها
اسهر وانا عيوني بها ماغفني .. وجروحها صدري بوسطه كناها
حتى بيوت الشعر فيه اكتبني .. ولا قلت بيت الشعر والا يعناها
حسبي على الايام كان ابتلني .. عجزت اميز شينها من بهاها
ايامي ابلا وجهتن وجهني .. كم بيت فيه الهاجس اللي بناها
مهضوم حقي والليال اهضمني .. ماعاد اميز فجرها من عشاها
هن العطر لكن ما عطرني .. ونفسي يخونني ويكثر ولاها
الله دخيلك كانهنه ولني .. ونفسي جريحه ترتجيهن شفاها
هن بالخيانه ياعرب يتهمني .. واللي بدى في قصتي ما انتهاها
لمحتهن لكنهن ما اعرفني .. وانا كذلك ناسيه من بطاها
من حبها كل العضا يرعدني .. وانا مجرد كلمتن وسط فاها
سمعتهن لكن ما سمعني .. الا جروحن عشتها من صباها
عيونها يوم إلتفت لي سبني .. واسلاح عيني لا ألتفت لي ماها
اكتب بيوت الشعر فيها واغني .. ولا شفتها ضيعت شعرن رثاها
مدري وش اللي صار يوم اقبلني .. يخاف منها شعري اللي طراها
هن بالهموم الصاطيه داعبني .. وانا هوايه راسمه في شفاها
ما ارخصتها لو كلهن يرخصني .. لو انها بالهجر صاغت قواها
صارت بيوت الشعر هن ينضمني .. من بعد ما كنت احتكم بمعناها
ما عاد لو اهرج لهن ينصتني .. عافن هروجي عقب ما كنت اباها
تصافن و عين بهن ينصفن .. يصارت عليه باخلات بعطاها
حتي بيوت الشعر ما ناظرني .. من عقب ما كنت ارتوي من نحاها
من عقب ما هن بالطبع طبعني .. اللحين ما تمطر عليه سماها
مجروح و بيوت الشعر عطبني .. الله حسيب الشعر وقف معاها
من عقب ما هي ملك يدي جلني .. مادارت شعور الذي قد شراها
رحمتهن كنت احسبن يرحمني .. واللحين ماني كفو في مستواها
لا يا بيوت الشعر ما هو بضني .. هجران من نفسه عليكم شقاها
عضمتهن لكن ما عضمني .. من بعدهن روحي العذاب اعتلاها
حتى القصيد اقسى من اللي حرمني .. قدام نفسي هم وايضن وراها
كني غريق بالهوى ما انقذني .. والروح موج العشق جاء و اقتفاها
نيران حب الغالي اللي كوني .. في وسط صدري و الجسم له شظاها
عطيتهن لكن ما والفني .. و الثانيه عشت العمر في رجاها
هلت دموعي لجلهن ما تكني .. العين تبكي للذي ما بكاها
هن من كفوف الهجر قد جرعني .. كم كاس مر مدته لي يداها
هن بالهوى يا خال قد عشمني .. ما اذكر بيومن قد دخلت ابحماها
يا كم بكيت الهن ولافرحني .. حتى الفرح ضدي فزع واشتهاها
الله يلد ايام عنه لدني .. ويا بخت منهو بالليالي ضواها
بكى من اللي بي الذي ارضعني .. حاير كلام العذل في وسط فاها
من واحد قلبي عليها يوني .. كسير ساقن حايرين اجبراها
وكل الهروج الي بها يلطمني .. ما ارضى عليها كلمته لو كناها
و نظرات من ينظر لها يلهدني .. يا ليت منهو يقربه ما يراها
هبوبن بوسط الصدر يعصفني .. يا حظ منهو في زمانه قناها
سود الليالي عنه ما عوضني .. و من دونها دنياي هم امتلاها
ماجد رعود الزين له يرعدني .. وروحي تموت من العطش ما سقاها
و لا ابغي يكود اشفا الغضي يرويني .. قلبي على كل البشر اصطفاها
انا الليالي بالهوى يشفيني .. والموت لا ادروبه فؤادي غواها
فنجال سم الهجر قد قهويني .. شغف فؤادي بالهوى من ذكاها
يروغ قلبي يومهن يخطمني .. والثانيه افراش نفسي و غطاها
وطيورها بالغدر قد غردني .. تنشد علي بهجرها في غناها
والثالثه في حبها ثلثني .. زينه وصيته والشعر من وراها
في حبها منهو يسوي بفني .. والهجر منها من يسوي سواها
عيونها بالصد قد عذبني .. مدري جهل مدري كثير حياها
اعروقها من جوف قلبي ارتوني .. يا خال ما مع هالبشر اشبهاها
مشاربه بالوقت قدهن صغني .. و انا مشاريبي من اللي بقاها
اجروحها بالحب ما توبني .. قلبي حفظ يوم الهوى لي رضاها
رغم الظروف القاسيه ما اعذرني .. قلبي وروحي محرمه مشتهاها
قلوبهن بالحب ما يقرعني .. ومحبتي قلب الغضي قد نساها
مدحتهن بالحب لو يشتمني .. والهم في روحي وليف و يباها
اهمومهن في ها الزمن قد كسني .. و انا ودادي في هواها كساها
جيت البحر يشكي واثرهن شكني .. قال البحر لا تشتكي من خطاها
بصبر ولو بهمومهن داعبني .. و***** منهو كلمته ما احتواها
حتى الذي وسط البحر يسبحني .. هن صايراتن بالزمان اشهداها
الله عليهن بالهوى طمعني .. رغم الذكاءما اعرف احلل حجاها
لو ابتعد بالحلم لي يقربني .. عجزت اميز هجرها من براها
ولا اخطيت هن لي بالخطا ما دمحني .. و انا دموحن ما اتذكر خطاها
ما اضيق لو هن بالزمن ضيقني .. كم عسرتن منهن فؤادي خفاها
اليا بغن مرواح ما ينظرني .. كعب القدم كم عسرتن قد رقاها
اصد وعيون الشقا ما ارتوني .. لا ما ارتوي منها ولوي غماها
انا وتر حبن وهن يعزفني .. لاخير منها ولا كفتني وذاها
رغمن سهمهن بالهوى قدرمني .. ما تلتفت للقلب لو هو نخاها
في حبهن ياهل الهوى تريخني .. ونار الهوى بي ولعن في غضاها
حسبي على ايام الردى مانصفني .. لا معطي ولا هو بكافي وذاها
حظي تعثربي وهن حظهني .. واثق ولا آخيب لهنه حضاها
يدي لها حروف الغلا يرسمني .. صفحة هوانا طشها ماقراها
بعيدلو وسط الحشا يقربني .. يابخت منهم بالزمان إقرباها
واليا ضويت هموم عقبةضوني .. ووجيهنا هم الليال اعتراها
عزالله انهن في خفوقي طغني .. ولاجيت ابنسى زاد فيني طغاها
سودالليالي د ونها يعضلن .. يما عاد افرق صدقها من رياها
انااتقهوى هجروالناس بني .. وإليا فضى الفنجال جابت دلاها
وانامعه لوالليالي اصعبني .. نفسي معه ما طاوعت من نهاها
اسهرورمشي بالهناءمايثني .. واخطاي لا راحن محدن ثناها
اغيب انا بسنين مايسبرني .. وهيه ولوهي ساعه اركض وراها
لاغاب ساعه جيت له إمتعني .. وآجوز عن شوفته لو بقصراها
سيف الهجر من عندهن لي يسني .. في بحرها معدود ضمن اغرقاها
جديلها على المتن لا ضفني .. اشوف فيها الليل وانعس حداها
إليا اسدل الليل الوفي يهجعني .. غرنوق رب الكون هو من رعاها
إحجاجها قوس الوتر لا انحنني .. ورموشها رمحن مثير اقتلاها
غصبن عليه بالهوى روضني .. انا معه لا اقفى ورى من غلاها
خدودها بنور الغلا يزهيني .. ونفسي بلاها زايداتن بلاها
الله حسيبه كيف يخلف مضني .. نسى الليال اللي معي قد نساها
لن آمرن بالقرب جن ونهني .. وش ذنب روحي والغضي قد نساها
اتوه انا بزوالهن لا ألعبني .. واتوه انا بدق الطبول ان حناها
ما ابغى الليالي دونهن لو صفني .. وامناة روحي تقرب إلمنتهاها
بركانهن بالصدر قد ثورني .. وانظر لها من ليلها لا ضحاها
يوم اقبلت إله العضا يرقصني .. به بالبشر غافي وبه من وعاها
مرن ولكن كنهن ما ألمحني .. عيني غفت باللي بدى من شعاها
وإليا غفيت وشفتهن هيضني .. يكفي على عيني شوفة عباها
يحرم حرام الحرم ماشوقني .. مثل الثمان اللي عنيه تراها
عطيتهن ودي ولكن جفني .. وضلال حبي بالزمن قد غشاها
اشموع حبي بالهوى ماطفني .. ومن غيرهن بالبيد ما ابغى ضباها
نيرانهن في حبهن قد غلني .. وا ويل روحي منه واللي غلاه
بدروبهن ياخال قد سيرني .. والسبع مثل الثالثه واشبهاها
هنه بروحي لا لفن واختفني .. والثالثه ربي علم في خفاها
انا على ضنه وهيه بضني .. عجزت اعيش ابشدها وابرخاها
منهن ثلاثن جن ثم اشغلني .. قفن وهب بعض الهوى من وراها
وخمسن قبل ساعات قد عقبني .. روحي ترفرف ما آعلم وش بلاها
قفن ورى عني وما سلمني .. حتى السلام الروح منه احرماها
ياليتهن يوم ادبرن قدرني .. وحنن على روحن قليل ارحماها
جداي اقلب بالزقاير واكني .. وروحي ورى النيران حبه شواها
حاولت اعبر بالغلا ما احترني .. كفي مليته من غلاه وكفاها
حسبي عليهن كانهن طيرني .. تطير روحي له ليا احدن طراها
ما آتوب عنهن لو هن يهضمني .. بالوصف والله يتعبون اوصفاها
راهنتهن بالحب ما راهنني .. وروحي بيده والغلا ما دراها
وايام عمري بالهوى ما امهلني .. حتى وهن ايام جن انصراها
وإليالي الغدرا معاه اغدرني .. وإليالنا ياناس زاد اغدراها
حكم القدر قاسي وحكمه يثني .. ولا كل نفسن تآصل إلمبتغاها
إليالي الغدرا بدونه لوني .. ونفسي العليله ما لقينا دواها
من دون شوفي بالزمن يهتنني .. وانا غريبن فرحتي من هناها
حسبي على ايامهن ما ارحمني .. وحبي بحبه ياعرب ما يضاها
لوي اغيب اسنين ما دورني .. منها سطى في وسط نفسي وباها
رغم الجفا غصبن علي يعجبني .. ورغم العنى مالي غنى عن لقاها
انا سفن في هالزمن ما رسني .. تاهت مع البحار والله عماها
خذن جميع اللي معي ما خذني .. سفينتن يلعب بها اهدا هواها
هن بالزمن ياخال قدهن لهني .. جروح قلبي منه تنثر دماها
ماجد سطى جرحي وعين يجني .. ومن دون شوفي لاقيه ملتهاها
لا غبت لو ساعه عليهن احن .. يماجد وش اللي غير إلها حضاها
اشوفهن بالوقت هن مايبني .. وانا جريح الروح وإهيه دواها
اليا بغني بالزمن يآجدني .. وانا ابيها لحظتن ما أراها
هن بالهوى لو انهن يرفضني .. بموت واحيا وانتظر في رجاها
اجيب مايبغن لو ما نخني .. ومحروم قلبي لو قلبي نخاها
هن بالوصل ياخال لا ما اسعفني .. وانا جريح الحب واسعى وراها
بغير الوصل ياخال ما يشفيني .. ياخال دون الشوف يطرب وحاها
لو الزمن شاف الغضي ما يسني .. ولوهو رسمها صورتن ما محاها
بين العيون السود قد علقني .. ولا فل شعره أنتعش في ذراها
ياكم ليله بالهجر ضيقني .. ازعل واراضي نفسي إبلا رضاها
اقرب لها واليا قربت ابعدني .. ياخال كيف انا آصل آخر مداها
لا ابعدت غافي ولا طرن حركني .. ياخال بلغ روحي آخر عزاها
والله لو لا قولة الناس جني .. لا اسعى وراها لو دربه متاها
لكن انا عاوايدي يمنعني .. والا اصيح إبعالي الصوت آها
لغيرها عيون الغلا ينعمني .. وان حب غيره جعل يبلغ عماها
عيوني لغير الغلا ما اصمدني .. هي الربيع إلشوف عيني وحياها
نقشت حبي بالحجر وانثنني .. بكى الحجر من قصتي وا قواها
وقصة هوانا من سمعها يجني .. وتفتح لها ورود الزمن من بهاها
هن هجرهن ياخال ضدي علني .. وانا وصل بالحب لو في خفاها
ما اسمع ليال الوقت لو هن عضني .. في حبهن ماتسمع اذني عضاها
اجي لهن لو انهن ما وعني .. إبلا شعور آجي ولو ما إعناها
ماجد وش اللي صار ماذوقني .. من كآس حبن قلبي اللي عطاها
هن بخلن بالحب مايصفطني .. وانا مليت إمن المحبه وعاها
همومهن من بعدهن سامرني .. وخطو القدم من بعد فرقاه تاها
هنه بنوم إليالهن يضفرني .. وانا عيوني رافضه لو جاها
هنه بروح العافيه يسعدني .. وانا ضعيف الحال محدن دراها
داسن على روح الغلا ما استحني .. والروح طول الوقت طاغي سهاها
هنه على وصل الهوى ما ضرني .. وانا اوصله لو زاد فيه عناها
والرابعه ومن قبلها يستوني .. وروحي بحبه جمر حبه طهاها
دقات قلبي للوصل يخفقني .. والزين وصله قاصرات اشبراها
انا عيونه في زمان امتدني .. وآحقر في وقته جميع إحقراها
اجيب مايبغن لو مارجني .. وروح الغضي مدري وش اللي حساها
ازنادهن بالهجر لي يقدحني .. وقلبي ولو يقسى هواها شراها
بدونهن بايه وهن بوهنيودني .. اي ضلمى وان بدى لي اضاها
لو الشر قالوا عن الشوق عني .. حذرى البشر لا تستمع في وشاها
اهواك من قبل البشر يخلقني .. ولا قيل عني لا تناظر حكاها
انا لجل عينك أبضحك واوني .. وهموم يم الروح بين نحاها
اوصل ولكن ما حدن قد وصني .. والروح نار البعد عندك صلاها
عينيك في جو الهوى قد رمني .. وروحك من اللي غير حبي رماها
ما اجلس ولوهي لحظتن لادعني .. والزين يسفه قلبي إليا دعاها
حسبي عليهن بالهوى ولعني .. وغيري اضنه زايدين أولعاها
عيونها يوم ألتفت يعزمني .. على هواه وجيت ابشرب هواها
شربت حبه وسط فنجال بني .. شربت فنجاله من اوسط رحاها
اليا بغني جيت له وامتعني .. والقلب يفقدهاه ولو هو بغاها
قالن ولكن بالهوى ما احتمني .. لو ان هواها ناطقه إبشفاها
وحالت الايام ماريخني .. يغيب وان جيته جميلن نباها
كل القصص في حبها خلدني .. إهيه كما عبله وانا عنتراها
ياخال انا اسقيهن ليامن ضمني .. وانا ضميت ومت ضمن إعطشاها
ماجد بناتن بالهوى عطشني .. وحبه انا مدري وش اللي حواها
بالوصل مقسم بالهجر يقسمني .. ماجد تعال وقل لروحي عزاها
تنور لي الدنيا بيوم احضرني .. والروح بعده كل همن غزاها
رغم الذي بالقلب هن يحضنني .. بالصد والهجران حسبي علاها
سيوفهن بالهجر لي يصقلني .. وانا مناتي في زماني لماها
هنه لهن غيري وانا لي هني .. ماغيرهن روحي عطتهن ولاها
هن بهنا وعز الليال ارقدني .. وانا بدونه ساهين في سناها
ولا غبت جيت انسى الهوى يصدفني .. وحضونهن قلبي بوقته لجاها
ومسامحن لو انهن يخطيني .. إوصرختي بالحب تسمع صداها
ياكم عذرت وهن مايعذرنين .. فسي الشقيه مآحد آخذ نقاها
في حبهن ياخال كم اجرحني .. حكم القصاص إبسيفها وإبصفاها
قلبي وروحي من عناه امتلني .. مدري وصاة الناس والا أولداها
إبوصلهن ياخال ما عودني .. وروحي لها ياخلي اولى اوصلاها
هن المعاني بالشعر لاطرني .. ولو هو كتب غير اسم خلي إيعناها
لا جيت انا آرحب بهن ودعني .. ولا لي من المزيونه الا عناها
يلتم فيه الشعر ويفرقني .. حتى بيوتي لاجته ما قراها
ما قد عصيت وهن كم هن عصني .. وروحي الشقيه ما حفض لي وصاها
لفيت انا لوصالهن واخذلني .. وروحي تزايد لا اتركني غثاها
لا يالطيور اللي عليهن ضوني .. ذكر حبيبي كلمتي اللي نساها
قالن طيور الجو خل التمني .. شفنا حبيبك غير قلبك مناها
قلت اقربن يا طيور له واسألني .. قولن عليه ليش كاثر عناها
قالن طيور الجو يابدر ضني .. حبيب قلبك في جاه منهو خذاها
انته هوى قلبك ثمان وهوني .. غيرك هون يابدر واترك هواها
وطيور جوي بالهوى رفرفني .. وانا امتعجب هالغضي ويش جاها
راحن طيور الجو ما يحسبني .. اني جريح الحب واطرد وراها
حفضتهن لكن هن ضيعني .. ولا كل راعي يحفظ اللي رعاها
من بينهن ياخال قد قسمني .. والكل منهن قسمته مابغاها
متى يجي يوم الهنا ويآصلني .. لو تنشدون الروح هذا مناها
عن غلطة ايام الزمن ما اعصمني .. وقلبي حياة الفرح لا ما اهتناها
روحي تجي تطلب ولو هن جفني .. تطلب شحيح الوصل محدن عطاها
مني بيوت الشعر له يسجعني .. وكل ما كتبت بيوت هو بمعناها
امر انا من عندهن ما انظرني .. صعبه على قلبي ولو اشتهاها
شجون قلبي بالهوى ولهني .. يشتاقها قلبي ولو ماشقاها
اصيح باعلى الصوت ما يسمعني .. وروحي من الحرمان وقتي براها
انا كما الجمله وهن ما اعربني .. بلا خبر وش فايدة مبتداها
مع غير قلبي شفتهن قد لهني .. وانا الذي قلبي تبنى بداها
الله على الايام كان اغدرني .. وياكثر غيري بالزمان اغدراها
ايامي المره عليه قسني .. ومشكاي للي قد امرها ونهاها
يالله ياللي الروس له يسجدني .. مدري عن الايام وش مبتغاها
اشوفها بشرع الهوى يوعدني .. مدري وش اللي صار واللي دهاها
ايامي إتكن العداوه مع إني .. اصفى من ازلالن ويسقي ضماها
اصيح باعلى الصوت ما جاوبني .. ايامي اللي خاذله من لجاها
ايام جن في صف منهن جفني .. بين من الايام وقفت عصاها
إضبن ثمانن بالربيع إعرضني .. روحي ضهر إلصوبهنه نحاها
ما مثلهن بالبيض بأرضي وضني .. تزين الارض اللي برجله وطاها
ولا مثلهن بالبيض من ينسمني .. يزين جون إبنسيمه زهاها
في وسط صدري بالفراق اقدحني .. نارن تشب إمن المسا وإ لضحاها
على الذي روحي تعافه حدني .. على الدموع اللي تهل إ لعناها
اخطاي من دون اللقا ما اصمدني .. انا جريح والغضي وش علاها
اسير من نظرة عيون اجرحني .. تجرح ورمشه فوق عينه حماها
ارموشها لا صدن و سلهمني .. تكوي فؤادن عاشقه من صباها
والشعر غط الردف لا يظهرني .. شعرن بيم البرد يصبح غطاها
وعينه كم حرن بوكر استكني .. يا كم روح بطرف عينه سباها
و نهود قبلي ما قد انداعبني .. و الخد برقن لا يحن في سماها
و الجسم عودن ينحني لا لفني .. نسيم صبحن بالمرونه ثناها
باسهامهن يا خال قد صوبني .. غير الذى ربي عليه صباها
صابن سهوم الود ماحذرني .. ولو حذرن ما فاد بي احذراها
هن بهواهن في ثواني طوني .. طي المحاله فوق بيض إلرشاها
ثمان عدن بالهوى وانزعني .. و الرابعه شدت خفوقي بيداها
و الخامسه لا شفتها طحت كني .. كسير ودوا علتي بعرباها
انا مقاديري وراه اجبرني .. كن القدم بخطاه شين لحاها
لا شفتها بالحلم فزيت لني .. واقف اصيح بكل صوتي اباها
و اليا صحيت اسهر بليلي واوني .. ما كن لي في وقتي الا عناها
احلم بها حلم العسير المسني .. يرجع شبابه ثم يلقا رخاها
انا جروحي بعدها ينزفني .. و لا لي ضماد بوقتها الا لقاها
ماجد علام الزين صد وطعني .. هي عمد و الا زلتن ما نواها
اليا اعترض بالدرب يمشي بفني .. عليه اخاف من الحياه وفناها
ايدي في ايده لا لفت واشبكني .. راحت يدي بشوق تقضب رحاها
وعيونها لا جات بالعين واني .. اضحك و دمعي فوق خدي يباها
واشواق قلبه بالهوى لا اندهني .. اجيه لو انه عريضن فلاها
اقرا شجونه لو ما يكتبني .. و لا غير قلبي بالهوى قد رئاها
حكي العيون بيننا ما اخذلني .. من عينها آعرف وش مبتغاها
يمكن ابيه ابوقتي ويمكن اني .. مآ اعيش دونه بالزمان وحياها
حسبي على ليال الهوى علمني .. اوفي لهن لو ان ما القى وفاها
عشقت منهن بالهوى يعسرني .. و إهيه تلاعب بالهوى من خناها
ورغم السيوف اللي عليه تسني .. يا بخت منهم بالزمان إقتلاها
غرون بوسط القلب وده يبني .. ما مثله ولو آتفقد ملاها
من زود انا ما احبهن خطرن اني .. اسري دروبن ما آخبر من سراها
افرح بجيتهن و لا من سرني .. اقعد مكاني لين يآتي حراها
ماني بخايف غيرهن يذبحني .. ثمان خسرانن بوقتي إجبهاها
ما همني لو غيرهن ما اعذرني .. عن غيرهن رب الاراضي عفاها
ولو شانت الايم ما يردعني .. نفسي بآثرهن فيه شين لزاها
بمشي وراهن لو هن يركضني .. وانته تعرف البير وايضن غطاها
و انته تقول اش بالرجل في تاني .. ما كنك تعرف الذي قد حداها
رجلي تمشي بالذي اكرهني .. حتى الرجل بالمشي تتبع هواها
و انياقي اليا جن دربه رغني .. ما هي غريب السمع ضاري رغاها
و من غيرهن سود الدهر لوعني .. عشت الغريب اللي الرجل ما ثناها
لوي وقفت اقدام رجلي مشني .. ورى الذي ما آبغى حيلتي لالاها
كن الليالي بالوفا حلفني .. حلفت آذوق مر و حلاها
شربي من العلقم و زادي قتلني .. و الروح هم الغاليه هو غذاها
غصبن اجيهن لو هن يرفضني .. لو ارضها ما فيه حين وطاها
كم وعد لقيا بالمحبه اخلفني .. هي كنها الطفله و انا له لهاها
صحيح هن بالود لا ما اغصبني .. و اللي غصبني عينها مع شقاها
اليا عرض ابيوت شعري انشدني .. و بيوت شعري زينها هو شذاها
نسيم حبه بالهوى يعسفني .. نفسي شكت منها و ابشكي ثراها
ارويت نبته والثمر ما ثمرني .. ارويه انا و غيري قطف إثمراها
تصفط ليا العلقم وهمه سكني .. و اموت ضميان و وانا اللي سقاها
ارتاح عنده لو ما ريحني .. و لا ابعت اموت من القهر في ضناها
اتعب لهن لكنهن ما رضني .. و ارضا عليها لو صعيبن رضاها
هن غافيات بالزمن يحسبني .. غافي وانا فعلن غضبت بغضاها
بنار الهوى والبعد هن احرقني .. حتي وانا بعيدن وصلني لضاها
اتعب لشوف لوهن مابغني .. وانا وقلبي والمشاعر تباها
ما امل منها لو حبه طعني .. انا وقلبي بالحياه ارهناها
وش حيلتي لن كان حبه فتني .. هنه مناتن لي وغيري مناها
والسادسه لها الليالي حدني .. عنيدتن والله يلعن ثواها
عنها السبع الباقيه يخلفني .. تضحك ليا قلبي ببعده نعاها
مشاهبه وسط الصدرولعني .. عجزت اميز فطنها من غباها
لاجيت اهنيها بصده يهني .. هي الشقا والقلب سبة هناها
ارماح حبه وسط صدري سطني .. ياللعجب ياخال ما اقوى سطاها
تبكي ليا مي لفيت اله اغني .. وتضحك ليامني بكيت بعناها
روحي وقلبي من يده ودعني .. وياخال قلبي صار ضمن اودعاها
يشوف وده بي لوصدعني .. وانا بعينه شفت جميلة شقاها
وعيونها بالحب لاعاندني .. انا اعترف له حاسرين اعنداها
ولاقلت له يازين غيرت ضني .. قال انت عيني ماتشوف اصوباها
الله ياجعل الليالي خذني .. ما ابغى حياتي دام ماني معاها
معذور لوانه بوصله يمني .. ربع الذى بلقلب ماضن جاها
ياليتني اموت وهن يكفنني .. ولا اشوف موتي كل لحظه بهواها
لاجيت اجاوبها بصدقن ثنني .. من الدلع السانها في جماها
الله ياعينه وكف امتحني .. زين ودلع وايضن تغلي ونباها
بيوت شعري بوصفها عودني .. حتي القصيد اشتاقها من حلاها
افز واقف يوم هنه يجني .. لوني وقفت القلب يمشي وراها
حسبي عليهن بالهوى هيضني .. ماعاد انا اسمع بالخلايق عضاها
سم الهوى في كاس الي سقني .. وارى بسمه مير كيف اعصاها
بعيونهن بالقلب قد شرهني .. والطلبه اللحين إبقيه عضاها
اعيش معهن جاهلن وش يبني .. كني بعيدن عنه لوني معاها
هن بالجفا والهجر قدحاربني .. واسلاحي اللي في يدي هو غلاها
الياذكرت اوصلها قمت اوني .. اذكر ليالن بالتجافي نهاها
لواقربت ساعات ماعوضني .. نفسي وصلت ياخال منهن مداها
ياكبر همن من فراقه قضني .. اسهر ليال وكم ليله غضاها
بديت وصل وبالهجرهن بدني .. ولاقد كتبت البيت كود إيعناها
عيني بخياله بالزمن ماسهني .. تسفه وصاي ومنفذن كل وصاها
اسهر يالين طيورصبح انشدني .. والزين نايم لين يسمع شداها
يجفا وينساني ويهجرمع اني .. واصل لها وقلب الهوى مانساها
جني بوقتي ساعه وعجلني .. من طول عمره شوفتي ماحساها
مااسمع ليال الوقت لويعذلني .. ما اطيع كود إليا ارسلني وراها
كلامهن ذمن ولويمدحني .. وامشي بدرب الزين على عماها
لاشفته دموع الغلا يدمعني .. اعيش برد الوقت وإ هي بدفاها
قدرتهن بالوقت ماقدرني .. وقلبي عناته في زمانه جناها
اربع سنينافراق ماوضحني .. سبت فراقه يوم قلبي بغاها
اذكرليال الوقت وارجع واحني .. على ليالن بعده اللي حماها
يالعنبوهن بالهوى مارحمني .. دربه حفظت وهو دروبي غواها
مالومها بدرب العنامامشني .. اقدام رجله يوم قلبي نواها
ايام وقتي بال

زر الذهاب إلى الأعلى