شعر بدوي عن الأب

يحفل الشعر البدوي بالعديد من القصائد التي كُتبت لأجل الأب، وهذا يعكس ما يتربى عليه أبناء البدو عمومًا حيث الأدب والفروسية والشهامة وطاعة الوالدين ومنها تنطلع اجمل مايكتب الشاعر من قصيدة للاب.

وهذا يعزز من مكانة الأب لديهم، ويجعل كتابة الشعر في الأب من واجب البر الحتمي، ولم يقتصر الشعر البدوي الذي أتى على ذكر الأب والأبوة على الشعراء فقط، فكتبت العديد من الشاعرات البدويات القصائد الكثيرة في آبائهن، وفيما يلي سنأتي على ذكر أبيات شعر بدوي عن الأب.

قصيده للاب

ابو تعبني عسى عمره مديد
كل ما تجمل عند خلق الله طروه

واذا طرى وياكثر ماردد واعيد
من ما عليكم زود لا طروا ومدحوه

للراس تاج ودرع بالظرف الشديد
وانا ولده ورفيق بالشده واخوه

بالوجه الابيض والنقا فعله حميد
اشجع من الرشاش لا منهم نصوه

عنده قناعة باللوازم مايحيد
في وقت تستر الاقنعة بعض الوجوه

حبه مع دم الصدايم في الوريد
اما الهلايم مايهم اذا اكرهوه

رصيدي اللي ما ابي غيره رصيد
يتعب اللي بالمواجيب اتبعوه

اذا عزم له ضيف بحلوفة يزيد
حرم وطلق والرياجيل اعرفوه

هم يحسبونه يملك املاك الوليد
وهو يتسلف للطراقي لا لفوه

شعر بدوي عن الأب

يابوي أكتب فيك من الشعر أبيات
يحلى فيك أجمل وأحلى قصيده

عساك دايم مني قريب المسافات
لأجلك تهون المسافة لوهي بعيده

لاغبت عني عسى ماطول الغيبات
ونشوفك كل يوم واعوام مديده

دوم على البال ياعزيز الصفات
كل خطوه فيك صح ورايك سديده

غيبتك تزيد من الحب عبرات
وانتظر كل يوم منك اخبار جديده

غالي ابن غالي من غير لفات
الله يديمك على المحبه ايام سعيده

ارجوك لا تبتعد وتزيل كل زلات
عن الغالي الي احبه ويامر وازيده

شعر بدوي عن كرم الاب

المدح لا مني بغيت أمدح إنسان
أجيب من شرد قصيدي فرايد

وأرضيه من جزل القوافي والألحان
لو كان بعض الناس مرضيه كايد

لا صار له قدر ومعزه وسلطان
بقلوبنا من بين كل البدايد

أبوي وأن مريت بإسمه ولا هان
تعجز حروفي تنصفه بالقصايد

لأنه عظيم ولايبي فيه برهان
ولأنه كبير ولا يبي له شهايد

و لأنه كريم ولا يجي فيه نقصان
ولأنه فريد من الرجال الفرايد

ولأنه أبوي وتاج راسي وعنوان
مجدي على مر السنين البعايد

لامن طروه في كل ديوان
ما قيل غير إنه على الناس زايد

ياما بنوا للطيب من طيبته شان
وصارت لهم أصغر فعوله عوايد

قلبه وطن للي شكى مر الأزمان
مزبن خويه بالليال الشدايد

الله يقدرني على رد الإحسان
وأعطيه من بآقي سنيني مدايد

شعر بدوي عن محبة الأب

يابوي جعلك للبقا والمكاسيب
عمري بدونك يالذرا ويش أبي به

يابوي تسأل عن شفاك المراقيب
طلعة سواتك للنوايف غريب

ليه المرض مايعرف الزين والعيب
مايدري انك للمخاليق هيبه !!

أبسألك وش به غزا وجهك الشيب
والقلب لايع والنواظر شحيبه

وش بك تحاتي لانوى الموت تغريب
تخشى علينا بالليالي الكئيبه

خذ دلتك واركى على مسند الجيب
وعطني شماغك بلثمه وأحتمي به

ونروح لأرض بها العشب والطيب
وتسمع كلام يالغلا تحتفي به

يابوي بنتك لاانحكى بالتجاريب
كل يشق لهيبه الصيت جيبه

يابوي ماني من سوات المخاريب
اللي تجيب لعلية القوم خيبه

وماني من اللي لامشت حفها الريب
أنا من اللي مايدنس حليبه

مرفوع شاني عن غرام المكاتيب
وأكبر من انني أرتضي بالحبيبه

أنا غرامي لاابتدوا بالتراحيب
نفوس الأوادم في وجودي رحيبه

وان كان زيني فتنة للمصاويب
أحط وجهي بالحريق ولهيبه

زيني أبيعه وأشتري سمعه الطيب
اسم ينومس بالصروح الذهيبه

وان كان عندي ( بالحلا) شي اصعيب
عندي جدود مارضت بالغليبه

دموع القبايل في لقانا مساكيب
كن المقابر لاحضرنا قريبه

خضبت لك كفي من العز تخضيب
ورفعت راسي للنجوم الصعيبه

والله لأسدك بالفعول المصاليب
والله لأشيلك بالرخا والمصيبه

طلع المعالي ماانحكم للشواريب
بنت وأناطح فارس القوم طيبه

وياشيخي إبشر لوتدور الدواليب
بنتك إلا منه عوى الذيب ( ذيبه)

قصيدة بدوي للاب عن الوفاء

والله اني لو رخصت العمر كله في رضاك
مايوفي ربع حقك وانت حقك مايهون

يايبه ياتاج راسي يا عسى عمري فداك
ياغناتي والله انك لو تبي عيني تمون

خمسه وعشرين عام ماترددت بعطاك
ياشبيه الغيث لامن ساقته غر المزون

ترتجيني ياعسالله مايخيب لك رجاك
صاين عهدت الاهك باليدين وبالمتون

الحقيقه وانت تدري ما يعززني سواك
والسبب واضح على اللي يدركون و يفهمون

والشعر وان كنت بمدح بالشعر هذا وذاك
انت حقك فوق هامات القصايدواللحون

العفو واستغفر الله بس احس انك ملاك
ساع تجلس واتكلم يمتلي صدري سكون

واتطمن واملك الدنيا بجلساتي معاك
وان تنهض عز طرفك تنكسر كل العيون

والله اني لو كثر خيري فانا خيري ذراك
ويش اكون؟ شوفني رجال كامل بس دونك ..

ووش يكون العمر من دون اجتهادي في غلاك
ووش يكون العطف والرحمه بدونك وش تكون؟

يايبه تكفى لعاد تشيل هم في حشاك
يكفي انك قد تجرعت الليالي والغبون

يايبه يانور عيني شب عمري في هناك
والله انه ابرد امن الما على كبدالظعون

يايبه ياجعل روحي فدوه لموطى خطاك
حطني بينك وبين الوقت وكبار الطعون

يايبه ياجار كبدي انذبح ولا اعصاك
عقب اللي قولوا وقالوا وهم مايفعلون

العمر والنفس واللي املكه كله فداك
واعرف انه ربع حقك وانت حقك ما يهون

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock