شعر بدوي عن الرجولة

شعر بدوي عن الرجولة ، يعتبر الشعر البدوي من أشهر أنواع الشعر الذي يعتمد على اللهجة البدوية في النظم.

عُرف الشعر البدوي بالشعر النبطي الذي يقال بلهجة أهل الحجاز ونجد ومناطق البادية الأخرى في الأردن وفلسطين وسوريا والعراق والسعودية.

شعر بدوي عن الرجولة

تنوعت موضوعات الشعر البدوي كثيراً ، بين مغازلة الحبيب ، وحنين إلى الماضي ، وشوق ، ووصف الأخلاق ، والرجولة، والبطولة ، والانتصار على الأعداء ، وغيرها من الموضوعات المتعلقة بالحياة البدوية.

في هذا المقال سوف نقدم لمحات من الشعر البدوي عن الرجولة بشكل خاص خلال هذا المقال.

شعر بدوي عن الطناخة والمرجلة

للطيب مواقف وللمرجلة رجاجيل
وللخيل فرسانها في ساعة الشدّة

وللبيوت أمراس وللقهوة الفنجاجيل
على مضايف نشامة لها رجالٍ تعده

حنا هل المواقف مواقف الشهم الأصيل
يشهد لنا السيف ويشهد لنا حده

حنا نخاوي الدنيا خوة نجوم الليل
عد النواظر ما طاوعتنا بعدّه

حنا النشامة يشهد لنا دمٍ يسيل
نحر الذبايح دوم ساعة اللين والشده

حنا النشامة وتشهد لنا سروج الخيل
سروج الركايب فزعة اللي نوده

حنا النشامة تشهد لنا الفناجيل
نسهر لها ما حنا مكبرين المخدة

حنا النشامة وتشهد لنا التعاليل
علي الخوة تربينا وعلى حب ومودة

حنا النشَامة عند المرجلة فزعة رجاجيل
حنا على الميدان سيلٍ لا طم ما تهدا

حنّا النشامة هل المواعين المثاقيل
هل دلالٍ عامرة ما طفى نارها ولا هدا

حنا النشامة كرام ما نعد الشات الهزيل
. نقدم الميسور لو طال الزمن ونمده

لا مال الزمن بالردي ما تنفعه التهاويل
ولا تنفعه ثروة أبوه ولا قروش جده

وش حياته شيخٍ ايدينه مكابيل
يشوف العفن متباهي وما يقدر يرده

حنا النشامة وتشهد لنا مواقف الف جيل
درب الوفى نمشيه ونهاب دروب الردى

حنا النشامة فزعة المضيوم الدخيل
هقوة الند بالند ويا زين الهقاوي بندّه

شعر بدوي عن شجاعة ورجولة

إذا المراجـل لبسـة شمـاغ وعقـال
قــل للـعـذاري يلبـسـن العمـايـم

مـا عـاد يـفـرق زول حـرمــة ورجـــال
دام الفعايـل تشبـه البعـض دايــم

المرجـلـة ما هـيـب كلـمـة وتـنـقـال
وتـروح ما راحـت هـبـوب النسـايـم

ولا خشـونـة صــوت أو رفــع الاثـقـال
أو رزة صــــدور وفــعــل الــزلايـــم

ولا هـي بـعـد مفـتـاح مـوتـر وجــوال
والا ردى لسانـن حديـثـة شتـايـم

المرجلة شيمـه عـن القيـل والقـال
رفـيـع نفـسـن حــر بـاجـو حـايــم

المرجـلـة عـقـل وزن وزنـــه جـبــال
ودون العقـل وش فرقنـا والبهايـم

يا مسندي لومايـل الوقـت بـي مـال
يـا ولــد أبـويــه يا عـظـيـم الـعـزايـم

يا معـرب الجديـن مـن العـم والـخـال
يا نـخـوة المـفـزوع وقــت الهـزايـم

المرجلـة يا خـوي هـي طولـة البـال
هي العـزم هـي الصبـر فالظلايـم

فيـهـا الـكـرم عـــزة دلـــه وفـنـجـال
فيها الكرامه عن ردى الطبع شايم

والديـن لا منـه خــذا القـلـب مـنـزال
مشى طريق الحق وابليـس نايـم

ومن لاعـرف ربـه فـي طيـب الحـال
لابـد وقـت الضـيـق بالـهـم هـايـم

حتـى صلاتـك مـع جماعـات ورجـال
فـي خيرهـا يا خـوي نعـم الغنايـم

ولا من نصف ليلـك قـم صفـي البـال
يا عظـم اجـرك بيـن ساجـد وقايـم

ولا مـن رفـع ربـي لـه كــل الاعـمـال
حسـن الذكـر لا قالـوا فـلان صايـم

وخلك شريف القصـد يا طيـب الفـال
سـوء المقاصـد فالبيـوت الهـدايـم

واحذر تبيع النفس فـي دب الأنـذال
وتتبـع خـوي ابليـس راع النمـايـم

النفـس خيـل لــك اذا كـنـت خـيـال
ومن لا قـوى نفسـه قوتـه الهزايـم

ولا صـرت ما تـدري لـوش انـت رجـال
والله خسـارة فيـك ذبــح التمـايـم

شعر بدوي عن كرم الرياجيل

والله ماني على مدح الرياجيل بخيل
خاصه لا جيت امدح في زحول الرّجال

المشكلة مدحهم حمل لا شلته ثقيل
من ثقلها ما يقدر عليها كبار الجمال

حتى لو تحاملت على حملها لا بد يميل
مال الجمل حيلة على حمل الاثقال

أجل وش حيله قلم بالقصايد يخيل
في معانيها صدق من مزون الخيال

قصيدة ما هي غزل فالطرف الكحيل
ولا هي عتاب وشكوة حال دون حال

قصيدة مدح في ذاك الشهم الأصيل
ابو عبدالله اللي يشهد له فوح الدّلال

سلام يا ابو عبدالله يازحول الرياجيل
سِلام عد ما على الصحاري من رمال

سلام عد ماهل المطر وسال المسيل
سَلام عد ما أشرقت الشمس وطل الهلال

سلام ياللي له في قلبي مقر ومقيل
فداك العمر لو ان العمر للفنا والزوال

قالوا عن حاتم ماله في الكرم مثيل
ومن ذيك العصور تضرب به الأمثال

وانا اقول ابو عبدالله حاتم هالجيل
قولوا لهتّان الكرم عندنا للكرم زلال

فديت كل حرف من اسمه به خصل نبيل
ويا حيّ الحروف اللي لها فالقلب منزال

الصّاد (صدقك) فالكلام من دون تأويل
ويا حيّ الرّجال اللي تثبت أقوالها بأفعال

الألف (آهاتك)عطني ياها لو توريني الويل
ماهمني غير شوفة بسمتك ياطيب الفال

اللام (لومك) فالحياة على كل شخص ذليل
عاش في هالدنيا وتطبع بطبع الانذال

الحاء (حبك) للمساكين وعابرين السبيل
وشموخك في هالدنيا كنّه شموخ الجبال

شوف حالي مال السّعادة بحياتي دليل
وفي غيبتك مال الصبر عندي أي مجال

النّهار اسود ما عاد به فرق مع الليل
أسهر عيوني ودمعها على الخد همال

واتجه للقبلة واطلب من الله الجليل
يالله يالله ترد من بغيابه علينا طال

تكفى تراني دخيل الله ثم عليك دخيل
مال السهر والصبر عندي أي احتمال

عطنا من باقي عمرك ووقتك القليل
ودي أدفى بك وأحس ان للعز ظلال

ليه لا شفتك تقتل فرحتي بالرّحيل
ما مداني أقولك وشلونك وكيف الحال

طلبتك تدور لأسلوب حياتك بديل
ما عاد اطيق بهالدنيا سالفه الترحال

مقالات ذات صلة

زر الذهاب إلى الأعلى