شعر صباح الخير قصيدة

صبحك صباح معطّرات الرِّياحين
صـبـحٍ تـنـفَّس بالضّيـا من جبينك

صبحٍ تعطَّر بك نسيمه بعطرين
عطر الحديث وعطر لمسة يمينك

صبح القطوف اليانعه في البساتين
الـلي روتهـا بالـمـحـبـّه سـنـيـنـك

صبح العسل من شِفّتينك .. يشافين
جـرح الـفـواد اللي تعـلّـَقْ بـزينك

بُعد (المنال) يشقّي القلب والعين
هذي جروحي يا دوا القلب وينك؟

خَل اللقا ينوِرْ به العمر وِيْزين
هـذي يميني لك.. وعطْني يمينك

إحلف .. وعَاهِدْني عهود المودّين
تـبقى ضنينٍ لي.. وأبقى ضنينك

نرعى مودّتنا مدار الميازين
وان زاد لك شـوقي يردِّك حنينك

يا بو عيونٍ مبهجات المحازين
تفـداك عـينٍ قَرَّت بْشوف عينك

يسعد صباحك يا عبير الرّياحين
يا مْـنَوِّرٍ صبحي بطلعة جبينك

صباح الخير ليست رسائل ولا عبارات ولا صور وانما شعر جميل للشاعر عتيق القبيسي