فن المجرور ماجد خضير

كلمات شيلة فن المجرور اداء ماجد خضير ، وارثاً طيب ابوه وطيب عمه وخاله طيب عمه وخاله بالمراجل مردد بين عم وخالي بين عم وخالي.

معلومات فن المَجروُر

معلومات الشيلة
اسم الشيلة: فن المجرور
اسم المنشد: ماجد خضير [1] ، [2]
كلمات: ساحوق

فن المجرور

ابتدي باسم رب البيت جل جلاله
الكريم الرحيم المنفرد بالكمالي

افلح اللي ذكر ربه ومعول مقاله
مايفيد المنقال اللي من الذكر خالي

يوم كلاً يغني في الزمن ما طراله
والله اني ما احب الا البيوت الجزالي

منتظرنا اتصال ولا انتظرنا رساله
الحفل حفلنا حنا وراعيه غالي

مرحبا عد ماهل المطر من خياله
عند من يكرم الضيفان في اول وتالي

هو يحب الجماله جمل الله حاله
للرفيق البعيد وللقريب الموالي

كاسباً كل مجد وكاسباً كل طاله
اسمه ينومس وقدره مع الناس عالي

وارثاً طيب ابوه وطيب عمه وخاله
بالمراجل مردد بين عم وخالي

مير ما مات رجالاً هذولا عياله
كل واحد تشوفه نادر في الرجال

ان بغيت الجزاله هم رجال الجزاله
وان بغيت المعالي هم رجال المعالي

كان ودك بجاراً ماتدور بداله
وكان تبغى رفيقاَ يرتكي للثقالي

حيها ديرةً فيها النقى والجماله
وحيها رفقةً تشفيك في كل حالي

ياصلاتي على محمد وصحبه وآله
النبي المشفع في نهار السؤالي

زر الذهاب إلى الأعلى