قصيدة ربيتوا المال لكن ماتربيتوا

قصيدة ربيتوا المال لكن ماتربيتوا ، من كلمات الشاعر فهد الشهراني ، يا اصحابنا ليه على الطيب تماديتوا واخفيتوا النعم والزالات منشورة واللاش يرهن لحاكم ماتحاكيتوا.

معلومات القصيدة
اسم القصيدة: ربيتوا المال لكن ماتربيتوا
اسم الشاعر: فهد الشهراني [1] ، [2]

قصيدة ربيتوا المال لكن ماتربيتوا

يا اصحابنا ليه على الطيب تماديتوا

واخفيتوا النعم والزالات منشورة

واللاش يرهن لحاكم ماتحاكيتوا

في ساقته ماطلعتوا يوم عن شوره

يلعب بكم زين لا رحتوا ولا جيتوا

المال خلا ردي الفعل اسطوره

وفي مجلسه لا دعاكم ما تعديتوا

رجيلنكم كنها لرضاه مبتوره

وان جاء يصلي صلاته معه صليتوا

وان فاتته فاتته ماهي بمذكوره

مدري بعد يوم صليتوا .. توضيتوا!

اهل الريا عند راعي المال مأجوره

لكن مع الوقت يفنى ما تقاضيتوا

والا بتفنون وكلاً ينتظر دوره

المال ما رجّع الاعمار لا اقفيتوا

والفقر ما نقص الرجال في شهوره

ربيتوا المال لكن ماتربيتوا

على العطا جعل يمنى اللاش مكسوره

زر الذهاب إلى الأعلى