قصيدة ضايع وقلبي ماعرف وين دربه
ضايع وقلبي ماعرف وين دربه
أنا الحزين ودنيتي دوم غربه
واشوف انا كل البشر حولي اغرابـ
ضايع وقلبي ماعرف وين دربه
تاهت به الدنيا على درب الأحبابـ
همّي كبير وكنّي بألف كربه
والجرح ينزف عقب الأحباب ماطابـ
ياللي ملكتيني ترى النفس ذربه
ماتجرحك لو تنذبح وانتي الاسباب
عيشي بسعاده واجعلي النفس طربه
لايشغلك همي اذا الوضع لك طابـ
هذا المقدّر والله اللي أمربه
واعرف ظروفك يابعد كل من غابـ
أنا احتمل لو انطعن بألف حربه
وان قلت عنك اسلا فأنا صرت كذابـ
ودّي أموت وأندفن بأي تربه
وارتاح مايطري على بالي اصحابـ