قصيدة في زوجتي

قصيدة في زوجتي

أنا هنا و قلبي معه دايم هناك
و أحترت أنا ما بين قلبه و بيني

إلي غلاها فارقٍ عن غلا ذاك
فرق الثريا عن ثراها يبيني

يا صاحبي لو طول الليل ما جاك
اصرخ بصوتك عالي ً و أزهميني

نذرا ً علي لا اترك الناس وانصاك
ما أشوف غيرك بين عيني و عيني

ألقاك في حلمي و اذا قمت مالقاك
وأصفق من الغبنه يساري بيميني

ما ودي اصحى عن منامي وانا وياك
يكفيني إنك في منامي تجيني

الشوق جاني ما ادري الشوق ماجاك
الحزن من بعد المسافات فيني

ما قال لك اني احبك و انا اهواك
حبٍ من الله زارعه من سنيني

أنساك والله ما اقدر اليوم انساك
انسى الخلايق كلها لو تبيني

لا دانه الاشواق ولا ود و أملاك
ما غيرك الي لا فقدته يبيني

مقالات ذات صلة

زر الذهاب إلى الأعلى