قصيدة مردها بتزين

كلمات قصيدة وان ما حصلت ما اتمناه خيره مردها لو ضاقت اعوام بتزين ، كلمات الشاعر مبارك الحجيلان

معلومات القصيدة
اسم القصيدة: مردها بتزين
اسم الشاعر: مبارك الحجيلان [1] ، [2]

قصيدة مردها بتزين

حنا واسامينا برحله قصيرة
ياحظ من له سمعه تملي العين

والموت درب وكلنا في مسيرة
يعني بنرجع له ولا ندوم حيين

نمشي ونركض والخطايا كثيرة
وبعدين صوب القبر ماشين ماشين

من حط هالدنيا بعينه صغيرة
انا اشهد انه عارفاً دربها زين

ومن ذاق ويلات المرض في سريرة
ما يشبه اللي نام نوم السلاطين

ومن لف كل الكون ديره بديرة
ماهو مثل من سكر الدين بالدين

ومن جرب الحاجة وروحه كسيرة
يفرق عن المرتاح وابو الملايين

لا تحسد الامير والا الاميره
واوصيك لا تضحك بناساً ضعيفين

ولا شفت وجه المبلتي لا تثيره
افزع له بدعوه وحث المصلين

يدعي له اللي عارفٍ وش مصيرة
واللي بيشمت فيه هو المسيكين

رحاة هالدنيا ترى مستديرة
دكاتره ياخوك صاروا مجانين

تحمد الله واشكره واستخيره
وما دامنا في صحه وخير راضين

وان ما حصلت ما اتمناه .. خيره
مردها لو ضاقت اعوام بتزين

مراجع[+]

زر الذهاب إلى الأعلى