قصيدة معكازي سعد بن جدلان

قصيدة معكازي كلمات الشاعر سعد بن جدلان رحمه الله وكتبها في وحده يحبها وجاه حادث بسببها وسير عليها حتى يعلمها انه باقي منصاب ورجل طيبه والثانيه تعرج ، فقال لها هذي القصيدة.

معلومات القصيدة
اسم القصيدة: معكازي
اسم الشاعر: سعد بن جدلان [1] ، [2]

قصيدة معكازي

ياللي على شان معكازي تبيّن لي
رجلي على حالها وانا على حالي

والكسر ماهوب في رجلي .. علي كلي
وانت السبب في الغرابيل اول وتالي

تكفي مراسيلنا العجلات يا خلّي
عن مخذ الاخبار والا شوف الازوالي

قلبي وقلبك .. توصلك وتوصلّي
والله انها اشد من موجات الارسالي

رداً سلامي عليك وجن وقالن لي
انك ترحب وانا في خاطرك غالي

ليت الغرابيل جتني من عدواً لي
اما تقاضيت والا بيتقاضى لي

لكن من واحداً ذكره غناتاً لي
ما زلت احبه وبحبه ولا ابالي

لا مر طرّق بخدراته سلاماً لّي
كنه يسلم علي بصوته العالي

خلوني اسج عن موضوعه احسن لي
والا الغلا والله ان يبطي وهو غالي

زر الذهاب إلى الأعلى