قصيدة مواثيق الغلا الشاعرة ينابيع السبيعي

كلمات قصيدة مواثيق الغلا الشاعرة ينابيع السبيعي [1] ، ابيك برعشة أحساسي شعور الخافق المرتاب مادام اصدق مواثيق الغلا مابينك وبيني.

قصيدة مواثيق الغلا

كتبتك داخل أوراقي .. حفظتك صفحة بكتاب
لقيتك هاجس افكاري .. مسافاتك عناويني

ابيك لرحلتي ميناء .. ابيك لدمعي الأهداب
ابيك اول مسافه للخيال وغربة سنيني

ابيك الحلم لايامي .. ابيك الشوق والإعجاب
ابيك النبض باعماقي .. ابيك الشوف في عيني

ابيك لفكرتي هاجس .. ابيك النافذه والباب
ابيك النور لحروفي .. ابيك أجمل مضاميني

ابيك السيف لانصافي .. ابيك الرمح والمحراب
ابيك اطهر شعور يحتوي طبعي وتكويني

ابيك الغيم والبارق .. ابيك الورد والأطياب
ابيك الريح لاهبت .. ابيك الديم يسقيني

ابيك لصبري الهقوه .. ابيك لعبرتي طلاب
ابيك لفرحتي بسمه .. أبي للضحك تغريني

ابيك برعشة أحساسي شعور الخافق المرتاب
مادام اصدق مواثيق الغلا مابينك وبيني

ألا يا اول مشاويري حضورك ماوراه غياب
غيابك لا تذكرته أحس الموت يدعيني

من اول يوم باقداري تمنيتك غلا وعتاب
ومات الحلم في قلبي ولابه من يعزيني

ترى لو صورتك غابت ملامح طيفها ماغاب
بقايا قصة الماضي على الفرقا تواسيني

دخيلك مابقى غير الوداع وشرهة الاحباب
دخيلك مابقى خطوه على دربك توديني

قبل مااقرا تفاصيل الغياب وخافي الأسباب
تأمل هالسطور اللي تجسد كل مافيني

مراجع[+]

زر الذهاب إلى الأعلى