قصيدة وصف الناقة سعد بن جدلان

قصيدة سعد بن جدلان في وصف الناقة وهذا رد على الشاعر عبدالله بن عون ويقول فيها ، عنقا مارق نسنوسها سدّوها منقاد مع طول خدتها خراطيمها سبله.

معلومات القصيدة
اسم القصيدة: وصف الناقة
اسم الشاعر: سعد بن جدلان [1] ، [2]

قصيدة وصف الناقة

شعاني قصيدة شاعر العذب القصّاد
محدن يستلذ السالفة لين تنسب له

علومك يابو نايف قراح على الاكباد
لكن تجرح قلوب مع الوضح منهبله

مواليف وضح كنها وضح بن عباد
لا شافها راعي الدبش طيرت شبله

تواغض مع الريضان كنها خيام اسياد
لونها بعيد بادي الرجم تقرب له

او حمى مغاتير مقاديمها شراد
هريِب السحاب اللي تواليه منسبله

قبلها ليا من المناره سناها زاد
قبل الاشهب المرشوش لا فضوا اصطبله

عنقا مارق نسنوسها سدّوها منقاد
مع طول خدتها خراطيمها سبله

شناح طفوح شبلها دايم خداد
لونها مع ذود ابن عمي خذيت ابله

لا ضاقت براعيها الوسيعة بكل بلاد
يحوّم وكبده من اهل المدن مندبله

لا طبّح عليها عصر ولا هجد مهجاد
ليا شافته قامت ترازم ترحب له

هذي تنطحه تبغى تقبّله جد عماد
وذي تنزع شماعة وهذيك تلعب له

والله ما يهني من حكم عاصمة بغداد
اللي معه مزامير الفخر تضرب الطبله

زر الذهاب إلى الأعلى