قصيده وش تنفع الدله بلا هيل

قصيدة للشاعر أسيود بن رماح الشلوي ، وإن كان ماتعشق وفا ماتهنيت وش تنفع الدله بلا هيل قلي مثل العجوز اللي سنعها بلا صيت تدعي على العالم وهي ما تصلي.

الشاعر اسيود الشلوى [1] من قوم الشيخ مقبول ابن هريس الشلوي شيخ الشلاوى [2].

قصيده وش تنفع الدله بلا هيل

ياصاحبي وشفيك ماعاد دقيت
إن كان زعلتك بأي شي قلي

مدري علامك لك نهارين سجيت
ما عاد تسأل لا ولا مرسلن لي

هلون يوم اصبحت غالي تغليت
صار الجفا نجم , بسماك متعلي

تخيل ! العزه معي واسمع البيت
وركز على ماقول ماهو تغلي

لو تطلب وصالي غلا لك تعنيت
ولو تطلبه مجبور ؟ مابيك خلي!

الحب صدفه دون موعد وتوقيت
يبرك على قلب البشر ثم يفلي

وإن كان ماتعشق وفا؟ ماتهنيت
وش تنفع الدله بلاهيل قلي

مثل العجوز اللي سنعها بلا صيت
تدعي على العالم وهي ما تصلي

إما تواصلني على ما تمنيت
والا تفارقني إذا مسفهلي

وإن جيت غالي وإن توكلت ماجيت
يبقى العفو بالمقدره قسمتن لي

مراجع[+]

زر الذهاب إلى الأعلى