كلمات اغنية ما وعدتك بنجوم الليل وائل كفوري

كلمات اغنية ما وعدتك بنجوم الليل وائل كفوري، كاملة ومكتوبة ، وماوعدتك بنجوم الليل، ولا بطرحة من خيوط الشمس ولا بجبلك ع ضهور الخيل كنوز الجن ومال الإنس انا زلمة ع قد الحال، ومملكتي أوف وموال ومنجيرة عن جدي وبس

معلومات الأغنية

اسم الاغنية: ما وُعدتك بنجوم الليل
أداء: وائل كفوري – سحابة ، [1]
المؤلف: احمد درويش
الحان: سمير صفير
الاصدار: 1994
التصنيف: اغاني لبنانية

كلمات اغنية ما وعدتك بنجوم الليل

بليلة ندهني الحب مشواري ابتدى
وبغفلة عمر بلش عمر تاني
وصار جاي الشوق صوبي عالهدا
وهب الهوا وبعيد وداني

وهالقلب فيكي يا روحي اهتدى
وشفت الدني أعياد وغناني
دهب وقصور ما بوعد حدا
بالكاد عرزال براس الجرد باني
وشميلة مواويل رددها الصدى
وآمال بهالأيام سهراني

وماوعدتك بنجوم الليل
ولا بطرحة من خيوط الشمس
ولا بجبلك ع ضهور الخيل
كنوز الجن ومال الإنس
انا زلمة ع قد الحال
ومملكتي أوف وموال
ومنجيرة عن جدي وبس

انا ما عندي قصور
ولا مخَدة من ريش نعام
و لا كاساتي من بلور
ولا جواري ولا خِدّام
عندي بيت براس الجِردْ
وجرة مي وحقلة ورد
وعلى صوت الحسون بحسّ

وما وعدتك بنجوم الليل
ولا بطرحة من خيوط الشمس
ولا بجبلك ع ضهور الخيل
كنوز الجن ومال الإنس
انا زلمة ع قد الحال
ومملكتي أوف وموال
ومنجيرة عن جدي وبس

الحب بعمره ما بينقاس
بالمال وبالمظاهر
وهالدنيي يا بنت الناس
انبنيت ع الحب الطاهر
وان كنُّه حالي بيرضيكي
يا أهلا وسهلا فيكي
منقسم هاللقمة بالنص

وما وعدتك بنجوم الليل
ولا بطرحة من خيوط الشمس
ولا بجبلك ع ضهور الخيل
كنوز الجن ومال الإنس
انا زلمة ع قد الحال
ومملكتي أوف وموال
ومنجيرة عن جدي وبس

مراجع[+]

مقالات ذات صلة

زر الذهاب إلى الأعلى