الأقسام

صفحات

روابط

كلمات اغنية العباة الرهيفه | رابح صقر

كلمات اغنية العباة الرهيفه | رابح صقر

كلمات اغنية العباة الرهيفه

كلمات العباة الرهيفه للشاعر الدكتور شائم بن لافي الهمزاني والحان فهد بن سعيد واداء المبدع رابح صقر حيث تغنى بها عدد كبير من الفنان وبرز في ادائها في حقبة الثمانينات الفنان فهد بن سعيد ومحبة من رابح صقر في احياء الفن القديم قام بغنائها

قصيدة العباة الرهيفه

من ردى الحظ قلبي طول الأيام خايف
خايفٍ والليالي ماتجي له بكيفه

ماتجي له بكيفه مثل ماكان شايف
كيف الأيام جاله بالحياه الكسيفه

الحياه الكسيفه والعنا والكلايف
عقب عزه تعرقل بالظروف الكليفه

الظروف الكليفه والدموع الذرايف
والسهر والترجي بعد فرقا وليفه

بعد فرقا وليفه مالقا له ولايف
غيّم الجو وأظلم بالهموم العنيفه

الهموم العنيفه بالضلوع النحايف
خلّت القلب يرجف بالضلوع النحيفه

بالضلوع النحيفه عقب يأس وحسايف
وش تفيد الحسايف والقدر حط سيفه

القدر حط سيفه دون زين الوصايف
حال من دون شوفه مابقى غير طيفه

مابقى غير طيفه داخل القلب طايف
طيف زين الوصايف والخدود النظيفه

الخدود النظيفه والثمان الرهايف
يوم جيته وجاني بالعباة الرهيفه

العباة الرهيفه فوق ذيك الردايف
واعنا قلبي اللي ما اهتنى في مصيفه

عن الشاعر الدكتور شائم بن لافي الهمزاني ولد عام 1958 في قرية سراء وتقع جنوب محافظة حائل عام وهو أكاديمي وشاعر وكاتب مهتم بالشأن العام القومي والوطني.

https://t3b.org/s_18461