مقتطفات غزلية من ابيات شعرية

اجمل المقتطفات الغزلية مقتطفات من مجموعة ابيات شعرية غزلية تم انتقائها وجمعها لايصال رسائل من تحبون وتعبرون عما بداخلكم من اي بيت شعر غزلي يناسبكم وحسب المواقف العاطفية التي ترغبون بايصال مافي دواخلكم للاخرين.

مقتطفات غزلية من ابيات شعرية

جعلني ماذوق حزنك وجعلك فالوجود
لاتعودني على البعد ويمـوت الولـه
الوصال الستر والبعد بيـاح السـدود
وكل يوم يمر من دون وصلك ماطوله
كل شي يهون غير التجاهل والصدود
ماقبله من غيرك شلون منـك اقبلة

قلبي محل أزهار شوقي ملون
يبيع كل الورد لعيون غـــالي
إهداء من قلبي لقلبك مدون
عليه توقيعي بدال اتصالي

عليك من الغلا كثر القصيد وكثر ماونيت
تعال أقصى الضلوع تفزّلك والروح منثوره

بعض البشر عالي مقامه ولو غاب ..
مثل النقوش اللي بقت في حجَرها
مرت عليها دهور وعصور واحقاب
عيت تروح اخلاص للي حفرها
وانا بقلبي نقش من سيد الاحباب
فجّر ينابيع الغلا واحتكرها

مقتطفات حب وهيام

لا أقفى من أغليه منّي فـ الله يحفظه
ماهو بـ دمي و لا مالي و لا عبدي
كتاب قطع الوصل ما قدر على رفضـه
لكن لي حق أقول آحيييه يا تسبدي

تصافحك عيني وانا كفي أعمى
مالي جدا الا نـظرة الموق لـ إلموق
ياما شربتـك شوف من خوف لا اظمى
وياما الوله للوصل يبّببس بي عروق

اثر الغلا لا زاد عن حده انباع
مثل الدفا لا زاد يصبح حريقه
كم غيمة ٍ صوت لها ظامي القاع
تناسته لو هي تمر بطريقه

الليلْ يخفي من تفآصيلي الشمسْ
وأضيع أدور عن سنآ الفجر سآهر
البّردْ يآكلْ معطفيّ ويطمسه طمس
وآحآول أدفى من حنيني ” وأكآبر

لك حروفي قصيـد ولك قصيـدي شـعـــور
ولك شعــــوري خفـوق نبضـه الحَيّ إنتـي
ولك غلا في صَميم الروح حَاضر حضور
واشهد انك بقلبي ولا عن العين غبتي

مقتطفات شوق وغرام

انتي الشعر يآ نبض الحنين الممتلي بـ إحساس
وانتي الصدق فعيون القوافي لا نوَت رسمك
صبآح الدمع لا كفكف بعض حزنه بكثييير أنفاس
صبآح اليوه لا صارت حدود السالفه أسمك

طيفك حطب عيني وعينـي مشبّـه
والشوق برد ٍ ما انقطع لو للحظـات
ومكانك الصدر ولـك القلـب شبّـه
بين الضلوع اللـي فردهـا التنهـات
ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات

تعبت اسولف لك وانا ماتكلمت
اسكت انا واترك عيوني اتكلم
لاتفهم احساسي ولاتفهم الصمت
مدري وش اسوي علشان تفهم

يامعدي المرقاب ، خله لمشتاق
حول وخل معذب القلب يرقا
ياليت ربي ماخلق وفراق
وإلا خلـق حبٍ على غيـر فرقا

أنت الدفا مقرون عندك ، بـ الانفاس
وانا معك دافي ومرتاح وبخير
وأنت الشعر لا صار مكتوب باحساس
وأنا معك شاعر وشعره معك غير
وانت الصباح اللي يقومونه الناس
وانا معك والناس تصبح على خير

كم رقم خزنته على شان لادق
أطنشه واخلي الوضع ، صامت
والا انت غير الناس كانك تبا الحق
ثابت لو ان الناس طاحت وقامت

مقالات ذات صلة

زر الذهاب إلى الأعلى